आजा मनमोहन मीरा दासी बुलावे  

  आजा मनमोहन मीरा दासी बुलावे,
  दासी बुलावे थाने,  मीरा बुलावे रे,
  मीरा बुलावे थाने, दासी बुलावे
  आजा मनमोहन मीरा मेड़तनी बुलावे।।

  बाबा सा मायड़ म्हाने लाड़ लड़ायी,
  राम जाने राणा संग क्यूँ परणाई,
  थारी या प्रीत म्हाने डाए नहीं आवे रे, 
  डाए कोनी आवे, आजा मनमोहन....

  तुलसा री माला सेवा सालिग्राम री
  जब तप नियम धुन लागी घनश्याम री
  भगवा उतारो मीरा राणो समझावे रेे
  आजा मनमोहन....

  पत्थर ने काई पू जे यू बोलियो राणा
  सामने जीमावे जद साची प्रीत जानूं,
  झूठी तू कपटी कुल के दाग लगावे रे,
  दाग लगावे रे, आजा मनमोहन....

  दूध को कटोरो भर लाया मीरा बाई,
  पियो म्हारा श्याम थाने मीरा री दुहाई,
  प्रेम दीवानी मीरा श्याम रिझावे रे, 
  श्याम रिझावे, आजा मनमोहन....

  मीरा री पुकार सुन श्याम धणी आयो,
  दूध को कटोरो भरयो सारो गटकायो,
  भोला भगता री ठाकुर लाज बचावे रे,
  लाज बचावे रे, आजा मनमोहन....